KESSY KUILIPA SIMBA MILIONI 120

BEKI wa Yanga, Hassan Ramadhani Kessy ametakiwa kuilipa klabu yake ya zamani, Simba SC Sh. Milioni 120 ili aanze kuichezea timu yake mpya katika mashindano kuanzia sasa.
Kamati ya Sheria na Hadhi za Wachezaji ya Shirikisho la Soka Tanzania (TFF) iliyoketi jana chini ya Mwenyekiti wake, Wakili Richard Sinamtwa imemtaka beki huyo kuilipa klabu ya zamani, Simba SC kwa kuvunja Mkataba.
Habari za ndani kutoka TFF zimesema kwamba Kamati imejiridhisha kwamba Kessy alivunja Mkataba na Simba kinyume cha utaratibu hivyo anapaswa kuilipa Simba.