MAKONDA AKABIDHI RAMANI ZA VIWANJA KWA WACHINA

Na Tausi Salum

MKUU wa Mkoa wa Dar es Salaam Paul Makonda, amekabidhi ramani ya 

michoro ya Viwanja kwa Balozi wa China nchini Lu Youqing, ikiwa ni 

ahadi yake ya kuboresha Viwanja Vitatu vya Mkoa wa Dar es Salaam.

Makonda amekabidhi ramani hiyo wakati wa hafla fupi ya chakula cha 

usiku kwa timu tatu zilizofanya vizuri kwenye michuano ya Sports 

extra ndondo cup iliyomalizika mwishoni mwa juma lililopita, 

iliyofanyika jana usiku katika ubalozi wa China nchini uliyopo 

Oysterbay Jijini Dar es Salaam.

Timu zilizoalikwa kwenye chakula hiko ni mshindi wa tatu wa 

mashindano hayo Makumba FC, washindi wa pili Kauzu FC na mabingwa 

wa michuano hiyo Temeke Market.

Makonda aliahidi kuboresha Viwanja vitatu , kimoja katika kila 

Wilaya ya Ilala,Temeke na Kinondoni ili kulinda afya za wachezaji 

na kuendelea michezo Mkoani mwake.

Akikabidhi ramani hiyo Makonda alimshukuru Balozi Lu kwa kukubali 

ombi lake la kusaidia kuboresha Viwanja hivyo , kwa ajili ya 

Wananchi wake.

Alisema wakati anatoa ahadi ya kuboresha viwanja hivyo hakujua ni 

wapi angepata pesa, lakini kwa kuwa ana mahusiano mazuri na wadau 

wa michezo na yupo karibu na watu alijuwa jambo hilo lazima 

litatimia.

Akizungumzia mashindano ya sports extra ndondo cup amesema 

yamekuwa msaada mkubwa katika kupunguza vitendo vya kiuhalifu na 

kihuni , kwa sababu yamewahusisha Vijana wa mitaani ambao wengi 

wao hawana shughuli za kufanya.

Amemshukuru Balozi huyo kwa kukubali mwaliko wake wa kwenda 

kushuhudia mchezo wa fainali uliowakutanisha Kauzu FC na Temeke 

katika Uwanja wa Chuo cha Utalii  , ambapo Temeke walishinda kwa 

mabao matatu kwa moja.

Anasema kitendo cha Balozi huyo kukubali mwaliko wa kwenda 

kushuhusdia mchezo huo, kimezidi kudumisha urafiki uliyopo kati ya 

nchi hizo mbili yaani Tanzania na China na kuendelea kuudumisha 

zaidi.

Kwa upande wake Balozi Lu Youqing amesema kitendo cha mashabiki 

wengi wa soka kujitokeza kushuhudia mchezo huo wa fainali licha ya 

kiwanja kutokuwa kwenye hali nzuri ,kimeonyesha namna ambavyo 

Watanzania wanavyopenda michezo hususani mchezo wa soka.

Alisema anaamini siku moja wachezaji hao wanaweza kucheza ligi ya 

China ambayo imekuwa maarufu sasa hivi Duniani, na wachezaji wengi 

maarufu na weusi wamekuwa wakienda kucheza.

mwisho
Na Tausi Salum

KIKOSI cha timu ya Taifa ya vijana chini ya miaka 17, Serengeti 

Boys,kesho kinashuka kwenye Uwanja wa Dobsonville uliopo Soweto, 

Magharibi mwa Mji wa Johannesburg, Afrika Kusini kucheza na 

wenyeji katika mchezo wa awali kuwania nafasi ya kufuzu fainali za 

Kombe la Mataifa ya Afrika, zitakazofanyika Madagascar hapo 

mwakani.

Afrika Kusini ambayo Serengeti Boys inacheza nayo kesho ni mtihani 

wa kwanza kati ya miwili kabla ya kutinga Madagacar. Mchezo wa 

kwanza unafanyika hapa Afrika Kusini, kabla ya kurudiana Agosti 

21, 2016 kwenye Uwanja wa Azam ulioko Chamazi-nje kidogo ya jiji

la Dar es Salaam.

KIkosi hicho chini ya Kocha Bakari Shime, kinaingia Uwanjani 

kikiwa na  ari, nguvu na kujaa hamasa na matumaini ya kushinda, 

timu ya mpira wa miguu ya Vijana wenye umri wa chini ya miaka 17 

‘Serengeti Boys’, kesho Jumamosi Agosti 6, 2016 itaingia Uwanja wa 
 

“Tutaifunga Afrika Kusini hapa kwao,” ni maneno ya Mchawi Mweusi - 

Kocha Mkuu wa Serengeti Boys, alipozungumzia mchezo huo utakaoanza 

saa 9.00 alasiri kwa saa za Afrika Kusini wakati huko Tanzania 

itakuwa ni saa 10.00 jioni katika uwanja ambao hutumiwa na timu ya 

Moroka Swallows ambayo kwa sasa imeshuka daraja hadi la pili.

 
Shime amesisistiza: “Najua Afrika Kusini watataka kutumbia mbinu 

za nyumbani. Lakini sina wasiwasi. Nimelenga kushinda michezo yote 

iliyo mbele yangu. Si kwamba napigania kufuzu kwenda Madagascar tu 

kwenye fainali za Afrika, la hasha, nataka timu hii niipeleke 

Kombe la Dunia.”

 
Shime ambaye alianza na timu hiyo mwaka mmoja uliopita, amerudia 

maneno yake: “Sioni kama itakuwa kikwazo kuifanikisha kufika 

fainali za Kombe la Dunia. Namuomba Mungu atunyooshee mkono wake, 

nawaombea viongozi wa TFF wazidi kuihudumia timu hii, lakini pia 

wadau wengine waisapoti timu hii bila kuangalia au kuchagua mtu 

anayeongoza TFF. Hii ni timu ya Watanzania wote.”

 

Shime alishukuru mipango na ahadi ya Rais wa Shirikisho la Mpira 

wa Miguu Tanzania (TFF), Jamal Malinzi kugharamia kambi ya siku 10 

iliyoyofanyika Madagascar akisema: “Ilikuwsa ni kambi bora. Kwa 

sasa kikosi changu kinahitaji kulipam deni la Watanzania na ahadi 

ya Rais Malinzi.”

Kikosi tarajiwa leo ni Ramadhani Awm Kabwili atakayecheza golini, 

Kibwana Ally Shomari, Nickson Clement Kibabage, Vitalis Nkosi, 

Dickson Nickson Job, Shaban Zuberi Ada, Kelvin Nashon Naftal, Ally

Hamisi Ng’anzi, Asadi Ali Juma Ali, Mohammed Abdallah Rashid 

Ibrahim Abdallah Ali na  Syprian Benedictor Mtesigwa.

Ili kufika hapo, Serengeti iliifunga Shelisheli jumla ya mabao 9-0 

katika mechi mbili za Tanzania na Shelisheli.

Hivi karibuni Serengeti Boys ilifanya ziara India ambako 

walishiriki mashindano ya vijana ya Kimataifa yanayotambuliwa na 

FIFA (AIFF International Youth Tournament 2016) kabla ya kurudi na 

rekodi ya kupigiwa mfano si tu katika Tanzania na kwa nchi za 

Afrika Mashariki. Ilishika nafasi ya tutu nyuma ya Korea Kusini na 

Marekani.