TEGETE ASAINI MWADUI FC

Siku chache baada ya kumpoteza nahodha na kiungo wa Mwadui FC Jabir Aziz Stima, kocha mkuu wa timu hiyo Jamhuti Kihwelon ‘Julio’amefanikiwa kumsaini kwa mwaka mmoja zaidi mshambulizi Jerryson Tegete.
“Ni kweli nimesaini tena mkataba wa mwaka mmoja katika timu ya Mwadui FC. Maslahi, pia ni timu ambayo nimecheza msimu uliopita na nimezoeana nao vizuri,” anasema Tegete msahambulizi wa zamani wa Yanga SC na timu ya taifa Taifa Stars wakati nilipofanya nae mahojiano Ijumaa hii.
Msimu uliopita niliingia kwenye timu ikiwa tayari imeshacheza game tano na sikucheza mechi tano za mwisho kutokana na maumivu ya enka niliyopata wakati wa mchezo wa nusu fainali ya FA dhidi ya Azam FC.
Nilifanikiwa kuifungia timu yangu magoli 9. Magoli matano kwenye ligi kuu na mengine manne katika kombe la FA. Kwa upande wangu naona nilifanya vizuri kutokana na muda nilioingia kwenye timu. Ikumbukwe pia nilikuwa mfungaji bora kwenye timu yangu, nategemea kufanya vizuri zaidi katika msimu huu, tuombe uzima tu,” anasema Tegete ambaye tayari yupo mazoezini na kikosi hicho.
Mapema wiki hii Stima alijiunga na Ruvu Shooting ya Pwani akitokea Mwadui FC.